PAPER ZORROA

Kaixo! Ni Irune Martínez de Estarrona naiz eta nire lehenengo argitalpena irakurri ez duzuenontzat, blog hau "Didaktika orokorra" izeneko ikasgai baterako ireki nuen lauhilekoaren hasieran. Gaur, nire azken argitalpena egingo dut eta bertan, ikasgaian zehar egindako guztia bilduko dut; nire paper zorroa izango da! Nire blogera gaur iritsi zaretenentzat, gogoratu behar dizuet Haur Hezkuntzako ikaslea naizela eta hemen aurkituko duzuen informazio, hausnarketa, argazki, etab. guztia honi buruzkoa izango dela.

Lauhilekoan zehar, hainbat gai landu ondoren, horiei buruzko hausnarketa blogean partekatzen joan gara. Hasteko, irakasleak guri ezagutzeko"Nor naiz ni?" jarduera egin genuen. Bertan guri buruzko informazioa jaso zezakeen, (gure izena, adina, nongoak garen…)

Behin hau eginda, didaktikarekin zerikusia duten lanak burutzen hasi ginen. Lehenengo lana altxorraren kutxa izan zen; bertan haur hezkuntzari lotutako 10 argazki igo behar genituen, non gure bizipenak eta nola sentitzen ginen azaldu behar genuen. Ariketa hau oso interesgarria izan zen gure esperientzia narratzen dugun bakoitzean, maisu edo maistra bezala sortzen dugun identitatea garatzeko aukera eskaintzen baitiogu gure buruari.

Bigarren ariketa, argazkiak aztertzea izan zen. Horretarako irakasleak hainbat argazki erakutsi zizkigun eta bikoteetan jarrita horiei buruzko hausnarketa egin genuen (bat gatozen argazkiarekin, gaizki edo ongi iruditzen zitzaigun eta zergatik…)

Hirugarren ariketa, bigarrenaren antzeko ariketa izan zen baina argazki bat eman beharrean esaldi bat eman zigun. Bertan, esaldi horri buruzko iritzia eman genuen.

Gai hauek jorratu ondoren curriculumari garrantzia eman genion, hurrengo ariketa egiteko beharrezkoa egin zitzaiguna. Hainbat curriculum ezberdin ezagutu genituen eta ondoren Heziberriko zenbait artikulu irakurrita, lehen azaldutako altxorraren kutxarekin lotu genituen. 

Curriculumarekin jarraituz, irakasleak zehaztapen mailei buruzko taula bat betetzeko proposatu zigun. Hori betetzen laguntzeko eta informazio geihago jaso genezan bi testu irakurtzeko eskatu zigun: Acaso eta Neurek idatzitako “el curriculum oculto visual: aprender a obedecer a través de la imagen" eta Jaume Sarramonarena. 

Bestalde, irakasleak hainbat irakugai eman zizkigun eta guk hauen ideia nagusiak ateratzeko proposatu zigun. Testuak hauek ziren: "La narrativa como texto principal: Incluirse en el texto", "Cuando  los profesores escriben: sobre redes y apendrizajes" eta "Cajas de vida: Paisajes que nos narran".

Curriculuma alde batera utziz, ikaskuntza prozesuan oinarritutako metodologiaz aritu ginen bi egunez.

Lehenengo egunean proiektuetan zentratu ginen, irakasleak zer dakigu eta zer ikasi nahi dugun galdetu zigun; klasean eztabaidatu ondoren, irakasle batek bere ikastolan aurrera eraman zituen bi proiektu erakutsi zizkigun.

Bigarren egunean ariketa berdina egin genuen baina txokoetan oinarrituz.  Hori bukatu ondoren, bi ikaskuntzei buruzko berdintasun eta desberdintasunak ateratzeko eskatu zigun. 

Hurrengo ariketa egiteko talde bakoitzari testu bat irakurtzeko proposatu zigun.  Irakurri eta aztertu ondoren gure testuak beste taldeen aurrean aurkeztu behar izan genituen. Gure kasuan, “la ciudad de los niños” testua egokitu zitzaigun eta testu guztien artean ideia nagusi batzuk atera genituen klasean bertan: globalizazioaren eta ikaskuntza esanguratsuena. 

Ikaskuntzekin jarraituz, beste hainbat metodologia ikusi eta aztertu genituen, horretarako Decrolyren metodologia, tailerrak, proiektuak eta txokoei buruzko artikulu batzuk irakurri genituen eta gero, metodologia hauen ezaugarri garrantzitsuena biltzeko eskatu ziguten.

Amaitzeko, hainbat aste egon gara unitate didaktiko bat prestatzen, non, helburuak, edukiak, jarduerak, eta ebaluazio mota azaldu behar genituen. Guk hautatutako unitate didaktikoa sentimenduei buruzkoa izan da. 

Espero dut zuen gustuko izatea nire bloga, argitalpen honekin bukatutzat ematen dut.

UNITATE DIDAKTIKOA

KAIXO!

Azkenengo aste hauetan talde bakoitzak unitate didaktiko bat prestatzen aritu gara, gure taldeak, "pinpilinpauxak", sentimendu eta emozioei buruzko unitatea prestatu dugu. Gai hau aukeratzearen arrazoi nagusia izan zen ikastetxeetan eskainitako denbora laburra gai honek daukan garrantzirako. Azken finean, zuk zeure burua ezagutu ezazun, lehenik eta behin jakin behar duzu nolakoak diren sentimenduak, zeintzuk dauden, nola adierazi edo interpreta ditzakezun... eta hori izan da gure unitate didaktikoan plasmatzen saiatu garena.

Horretarako, jardueren metodologian oinarritutako ikaskuntza prozesu bat prestatu dugu, sei egunetan banatu duguna, bat aste bakoitzeko. Klase bakoitzak 45 minutu ingurukoak dira eta ostiraletan kokatzea pentsatu dugu astean zehar gertatutakoaz hitz egiteko momentua izan daitekeelako; klasean nola sentitu diren, ze nolako emozioak bizi dituzten, etab.

Hau aurrera eramateko helburu didaktiko batzuk egin ditugu, non ikasleek unitate honen bitartez zer lortuko duten adierazi dugun. Horrez gain, jarduera batzuk prestatu ditugu, non konpetentzia ezberdinak garatzen diren: hizkuntza eta literatura- komunikaziorako konpetentzia, konpetentzia sozial eta zibikoa, arterako konpetentzia eta konpetentzia motorra.

Gure unitate didaktikoaz gehio jakin nahi baduzue hemen daukazue:

METODOLOGIETAN SAKONTZEN...

Kaixo, ostiralean lau metodologia ezberdinei buruzko artikulu batzuk irakurtzea eskatu ziguten eta hauen ezaugarri esanguratsuenak ateratzea. Hona hemen gure taldeak eginikoa:

DECROLY METODOLOGIA

Decrolyk diseinatutako eredu pedagogiko hau globalizazioan oinarriturik dago. Bere helburu nagusia gizartean integratzeko hezkuntza bide egokiena lantzea da eta horretarako bi aspektu hartu behar ditugu kontuan:

1. Gizarteratzeko beharra
2. Haurren egoera eta beharrak 

Hau gauzatzeko irakasle, ikasle eta gurasoen rola ezinbestekoa da. 

• Irakaslearen rola: Alde batetik, interesguneak aukeratzeko haurren beharrak zeintzuk diren eta huaen egoera soziala nolakoa den behatu behar du. Gainera, aukeratutako gaiak behar eta interes ezberdinak asetu behar ditu. Bestetik, irakaslea aktiboa izan behar du, bere imaginazioa eta sormena erabiliz beti ere. Bukatzeko, etengabe formatzeko nahia izan behar du.
• Ikaslearen rola: Ikaslea aktiboa izan behar du, bere parte hartzea etengabekoa izan behar da; gaiak bere interesekoak izateak rol hau betetzea erraztuko du, jakinmina handiagoa izango baita.
• Gurasoen rola: Hauen parte hartzea oso garrantzitsua da; alde batetik ikasleen interesak etxean ere lantzeko eta bestetik, haien ekarpenak oso aberasgarriak direlako.

Metodo honek hiru fase ezberdin dauzka:

1.  BEHAKETA: zuzena edo zeharkakoa izan daiteke.

• Zuzena: Irakasleak haurren parte hartzea sustatuko du eta etxetik landutako gaiaren inguruko materialak (landareak, animaliak...) ekartzera gonbidatuko dituzte; horrela horiek behatu ahal izateko eta haien buruan irudi finkoak sortzeko. 
• Zeharka: Aukeratutako gaiak azterketa egiteko aukera ematen ez duenean egiten da. Material horiek ez dituztenez filmak, argazkiak... erabiltzem dira.

2.  ASOZIAZIOA: Etapa honetan landutako gaiak analizatzera eta errealitatearekin erlazionatzera helduko da ikaslea.

• Espaziala: Bitan sailkatu daitzeke; alde batetik, egoera eta norabidea (lantzen diren objektuak lokalizatzeko eta izendatzeko) eta bestetik, forma eta tamaina (deskribapena egiteko). 

• Denborazkoa: Hauetarako segida (lehen-orain, iragana-oraina-etorkizuna), iraupena (asko-gutxi) eta aldiberekotasuna bezalako kontzeptuak erabiliko dira.
• Kausazkoa: Haurren interesa pizteko erabiltzen dira galdera hauek. 
• Erabilera eta lana: Lantzen diren erabilpena zein den ezagutuko dute eta gizakiarekin zer erlazio daukaten ohartuko dira. 
• Etikoak, moralak eta sozialak: Jarrera pertsonal eta sozialetan sakontzen laguntzea eta arauen beharraz jabetzea.

3.  ADIERAZPENA: Haurrek gaitasun linguistikoa, matematikoa, gorputzezkoa, plastikoa eta musikala barneratuko ditu fase honetan. Horrez gain, haurrak bere pentsamendua bultzatzen duen guztia ulertzera helduko da. 

Metodo honekin bukatzeko bere espazio eta denboraren antolakuntzaz aipamen batzuk egingo ditut:

• 15 urte bitarteko eskolak eremu natural batean kokatuta egongo dira, ingurunearekiko harremana bermatzeko.
• Eskolak haur kopuru mugatua izango du eta adin eta sexu ezberdinetako umeak egongo dira.
• Gelak auditorio modukoak izan beharrean, tailer txiki baten itxurakoak izango dira.
• Zailtasunak dauzkaten haurrak beste gela berezi batera joango dira eta bertan, irakasle aditu bat izango dute haien laguntzarako. 

Ebaluazioari dagokionez ez da ezer aipatzen artikuluan. 

TAILERREN METODOLOGIA

4-5 URTEKOENTZAKO TAILERRAK

•  Irakaslearen rola: Ez du klasea zuzentzen eta laguntzaile bat izango du.
•   Ikaslearen rola: Hasieran indibidualki egiten dute lan, ondoren taldean bat egiten dute eta azkenik eginiko lana ikaskide guztien aurrean aurkezten dute.
• Denboraren antolakuntza: 45 minutu gutxi gora behera.
• Espazioaren antolakuntza: Gela osoan zehar.
• Ebaluazioa: Irakasleak behatzailearen papera izango du. Haurrek eginikoa behatuko du eta ikusitakoa erregistratu.
•  Helburua: Arazo matematikoen aurrean soluzioak bilatzea.

4-6  URTE BITARTEKOENTZAKO TAILERRAK

• Irakaslearen rola: Irakaslearen rola behatzailarena izango da, batzuetan haurrak laguntza behar badu, honek lagundu egingo dio eta klaseari hasiera emateko, arazo bat planteatuko du.  
•  Ikaslearen rola: Gehienetan indibidualki arituko dira lanean, nahiz eta batzuetan taldeka aritu. Saio amaieran, haur bakoitzak arazoaren emaitzetara nola iritsi den azaldu beharko du gela osoaren aurrean.
• Denboraren antolakuntza: Librea
• Espazioaren antolakuntza: Normalean gela osoa erabiliko dute, nahiz eta batzuetan txoko zehatz batzuetan ibili.
•  Ebaluazioa: Haurrak eginiko lanak jasotzeaz arduratzen da irakaslea. Jarduera ezberdin ugari egiten dituzte, marraztu, grabatu, bideotxoak egin… horiek guztiak kontutan hartzen ditu eta horiei buruzko ebaluazioa egiten du.
• Helburuak: Arazo matematikoen aurrean soluzioak aurkitzea.

TXOKOEN METODOLOGIA:

Txokoen metodologian, irakasleak behatzailearen eta gidatzailearen papera dauka. Bere esku hartzea handia da eta horri esker , metodologia mota hau dinamikoa eta arrakastatsua bihurtzen da.Haurrei libreki jarduten uzten die, arauak errespetatuz noski, eta aktiboki  egiten dute lan.

Metodologia honetan, haurrek lan egiteko espazio ezberdinak daude, bakoitzean ekintza  jakin bat egiteko aukerarekin.

Txokoetako taldekatzeak zenbaitetan libreak izan daitezke eta bakarrik egon nahi badute libreki jarduteko aukera daukate. Proiektuetan, aldiz, gela osoa aritzen da jarduera berdina egiten, askatasun hori gabe.

Jardueren inguruan ere desberdintasunak daude, proiektuetan jarduerak aurretik zehaztuak daude; txokoetan ere bai baina ez beste metodologian bezain zorrotz planifikatuak. Txokoetako denbora ez dago proiektuetakoa bezain zehaztua, denbora epe bat eskaintzen zaio jarduera horri baina malgutasunez jarduten da.

Azkenik, esan beharra dago umeek daukaten askatasuna azpimarratzekoa dela, autonomia bereganatzen joatea metodologia honen abantaila garrantzitsua baita.

PROIEKTUAK

Proiektuetan oinarritutako metodologian ikasleak mundu errealean moldatzeko prestatzen dituzte; izan ere, gaur egungo gaiak inolako arazorik gabe planteatzen dituzte, halanola, maitasuna, heriotza, etab.

Baina, hasteko, metodologia hau aurrera eramateko jarraitu behar diren ezaugarriak azaltzea interesgarria izango litzateke:

•          Ikasleen eta irakasleen arteko harremana eta komunikazioa ondo antolatu behar da.
•       Imajinazioa lantzea.
•      Esperientzia transmititzea, programari uko eginez.

Proiektuaren metodologia oso interesgarria da, garai bateko eskoletan zeuden jarrerak desagerrarazi nahi dituztelako, hau da,  ez zaio pertsona bati inteligentzia hitza egokituko nota onak ateratzen baditu.

Hori dela eta, irakaslearen papera gidatzea izango litzateke, haurrek dituzten ikuspuntuak garatu beharko dituzte. Gainera, dinamikoa, motibatzailea eta bultzatzailea izan behar da. 

Horrez gain, landu beharreko gaiak ikasleen interesen araberakoak izango dira; beraz, ikasleak elkarlanean arituko dira, motibatuak egongo dira eta parte hartuko dute.

Bukatzeko, metodologia honek zortzi helburu dituela esan beharra dago:

• ·         Gai desberdinak landu jakinduria sustatzeko.
• ·         Teoria ikasitako esperientziekin lotzea edo erlazionatzea.
• ·         Ikasle bakoitzaren gaitasunetara egokituz indibidualki ikastea.
• ·         Ikasitakoa errealitatean ikustaraztea.
• ·         Talde lana bultzatzea.
• ·         Errealitatea aztertuz bakoitzaren izaera garatzea.
• ·         Ikasle zein irakasleen arteko komunikazioa egokia izatea.
• ·         Bai irakasleek, bai ikasleek ebaluatzea. 

 Espero dut zuen gustuko izatea, hurrengora arte!

LA CIUDAD DE LOS NIÑOS

Kaixo! Aurreko hainbat klaseetan aurkezpenak egiten aritu gara eta hona hemen nire taldeko aurkezpena; kasu honetan, "La ciudad de los niños" proiektuari buruzkoa da.

Guk irakurritako testuetan ageri zen moduan, "LA CIUDAD DE LOS NIÑOS" Italiako Fano herrian egin zen proiektu bat da. Honen helburua hiria umeentzat egokitzea da, beraiek bakarrik kalera irteteko aukera izan dezaten gaur egun dauden arriskuak desagertuz edo gutxienez txikituz. Izan ere, gaurko hirietan, globalizazioaren ondorioz, auto gehiegi daude eta horrekin batera errepideak. Jende askorentzako hori "aurrerapena" izan daiteke, baina umeei dagokionez horren eraginez, jolasteko leku asko desagertu dira, kalera irtetean arrizkuak gehiagotu egin dira...

Proiektu honen bitartez, umeei merezi duten arreta eskaini eta hirian sortzen diren erabakietan parte hartzeko aukera eman nahi diete. Horretarako, Francesco Tonucci ikerketaren zuzendariak umeen kontseilu bat egitea proposatu zuen eta honen bidez, hilero biltzen ziren hiriko beste kontseilu eta goi mailako kargu batzuekin proposamenak egiteko edota erabakiak hartzeko.

Nire ustez, oso proiektu interesgarria da, eta hiri batzuetan aurrera eramatea posible izango zela uste dut. Hala ere, hori gerta dadin hiritar guztiok gure partetik jartzea ezinbestekoa da; izan ere, umeek bakarrik hori sortzea ezinezkoa da.

Aurkezpenean aipatu dugun bezala, ez dugu kontuan hartzen beste ume batzuekin jolasteak gure haurren garapenean izan dezakeen garrantzia. Beti etorkizunean eta hura egokia izan dadin egin edo ikasi behar ditugun gauzetan pentsatzen ari gara, baina zer nolako etorkizuna izan dezake haurtzaroa disfrutatu ez duen haur batek? Haurtzaroan ez badu jolasten, noiz jolastuko du? Denbora osoan zehar, ikastean pentsatzen dugu, alde batetik ikastola eta gero, umeak aspertu ez daitezen bat edo bi kanpoko ekintzetara apuntatzen ditugu. Baina, inork ez die galdetzen zer nahi duten egin, batzuetan (ez beti ) ze ekintza egin nahi duten galdetzen diete, eta nahi ez badute ekintzarik egin? Beharbada nahi dutena izan daiteke kalera irtetea lagunekin edo parkera joatea jolastera, horretarako uneak non gelditzen dira? Ikastea haurtzaroaren parte izan behar da, baina ez da bakarrik horretan zentratu behar.

Aurrekoari jarraituz, une oro saiatzen baldin bagara gauzak ondo egiten, etorkizunean pentsatuz, gaur egungo egoera ikusita, autoei pertsonei baino garrantzi gehiago ematen diegula ikusita, pentsatu: ONDO EGITEN ARI GARA? EZ AL DIRA UMEAK ETA HAIREN JOLASTEKO IRRIKIAK AUTOAK BAINO GARRANTZITSUAGOAK?
Testua irakurri nuenean bi galdera hauek etorri zitzaizkidan burura eta ezinbestean, zerbait gaizki egiten ari gara umeak bakarrik kalera irteteko aukera ez daukatenean. Horregatik, eta nire iritziz oso garrantzitsua delako (ezinbestekoa ez esateagatik) umeek haien autonomia garatzea, ideia bikaina iruditzen zait umeen kontseilu hori sortzea haiek ere hiriaren parte direlako eta beraien proposamenak egiteko eskubidea daukatelako.

Azken finean, denak izan gara umeak eta badakigu zer den entzutea ez izatea. Hobeto esanda, nori ez zaio gustatzen arreta izatea eta norberak proposatutako ideiak aurrera eramatea edo behintzat kontuan hartzea? Galdera honekin nire hausnarketa txikia bukatzen dut, pentsa ezazue orainean eta ez hainbeste etorkizunean.

PROIEKTUEN ETA TXOKOEN IKASKUNTZEN ALDERAKETA

Aurreko argitalpenetan bi ikaskuntza desberdin aurkeztu dizkizuet, hauek dauzkaten ezaugarriak hobeto barneratzeko Aingeruk ariketa bat proposatu zigun, hauen arteko berdintasun eta desberdintasunak azaltzea. Horretarako, taula bat egitea erabaki dut non irizpide batzuei jarraituz bakoitzaren ezaugarriak jarriko ditudan eta beste bi zutabe hauen berdintasun eta desberdintasunak adierazteko.
                         

	PROIEKTUAK	TXOKOAK	BERDINTASUN	DESBERDINTASUN
IRAKASLEAREN PAPERA	Gidaria eta behatzailea	Laguntzailea, sustatzailea, behatzailea...	Behatzailea eta umeari laguntza eskaini behar  dio
IKASLEAREN PAPERA	Sortzailea, aktiboki parte hartu, elkarlanean aritu...	Autonomoa, sortzailea, aktiboa, parte hartzailea...	Aktiboki parte hartu behar du eta sortzailea izan behar da.	Proiektuetan elkarlanean aritu behar da ezinbestean, txokoetan autonomoago.
TALDEKATZEA	Talde bakarra, gelakide guztiak batera.	Talde ugari, batzuetan irakasleak sorturikoak, bestetan libreki.		Proiektuetan gela guztia batera. Txokoetan talde ugari.
JARDUERA	Bakarra da, irakasleak gidatutakoa eta aurretik zehaztutakoa.	Txoko bakoitzean jarduera ezberdin bat, umearen imajinazioaren araberakoak.		Proiektuetan jarduera bakarra aurretik zehaztutakoa. Txokoetan jarduera kopurua umeen imajinazioaren arabera.
DENBORA	Aurretik zehazturikoa, ariketaren araberakoa.	Normalean, mugagabea; ume bakoitzaren araberakoa.		Proiektuetan zehaztua. Txokoetan mugagabea.
ESPAZIOA	Gela osoa erabiltzen da ariketa berdina egiteko.	Gela txokoka banatzen da ariketa ezberdinak egiteko.		Proiektuak gela osoa Txokoak gela eremuetan banatuta
MATERIALA	Ariketarako espezifikoa	Txoko bakoitzerako zehatza	Material konkretu baten erabilera.	Proiektuetan berdina guztientzat. Txokoetan bakoitzean ezberdina.

Espero dut taula hau ikusita hobeto bereiztea bi ikaskuntza hauen artean dauden desberdintasunak, baita berdintasunak ere.

TXOKOEN METODOLOGIA

Aurreko egunean proiektuen metodologiaz aritu nintzen bezala, gaur TXOKOEN METODOLOGIAZ hitz egingo dizuet. 

Ikaskuntza hau aztertzeko aurrekoan erabili genuen irizpide berdinak jarraitu genituen. Hau da, hirunaka jarri ginen eta ezer azaldu aurretik bi galderei erantzun genien: ZER DAKIGU TXOKOEN IKASKUNTZAZ? eta ZER FALTA ZAIGU IKASTEKO?

Beste egunean esan nizuenez arazoak izan genituen lehenengo galdera honi erantzuten proiektuen metodologia guretzat berria zelako; txokoena, aldiz, lan modularrerako egindako behaketan ezagutu genuen. Beraz, errazagoa egin zaigu honi erantzutea.

ZER DAKIGU?

Umeak taldekatzen dira eta txoko bakoitzean jarduera bat egiten da.

Batzuetan nahi duten txokora joaten dira eta bestetan, irakasleak esaten dienera.

Irakasleak txokoz txoko aldatzen dira eta behatzaile edo laguntzaile papera dute.

Edozein gai edo ikasgai landu daiteke metodologia hau erabiliz.

Metodologia dinamikoa da, umeen interesa pizten du, gauza ezberdinak egiten dituztelako klasean zehar.

Horrez gain, ikaskuntza hau aurrera eramateko modu ezberdinak daude, hortaz, nik ezagutzen dudana pixka bat azalduko dizuet. Nire taldeak behatutako ikastetxean horrela antolatzen zituzten txokoak, hala ere, aipatu beharra daukat bi era desberdinetan banatzen zirela; alde batetik, 2 eta 3 urteko umeak zeuden eta bestetik, 4 urtekoak. 
Txikienen kasuan, gela handi batean txoko ezberdinak zeuden eta klase hasieran umeak nahi zuten txokora zihoazen. Gero, ume bakoitza bere tutorearekin doa dagokion txokora eta egunean bizpahiru txokotan egoten ziren.

4 urteko gelan, aldiz, txoko bakoitza gela bat zen eta taldeak egunero aldatzen ziren. Txikiak bezala hasieran nahi zuten txokora zihoazen eta gero, irakasleak taldeak egiten zituen eta bakoitza zegokion txokora joan behar zuen.

Bigarren galderari erantzuteko ez genituen zailtasunik izan, izan ere, interes handia sortu zigun ikaskuntza mota honek eta honi buruz gehiago ikasteko irrikitan geuden.

ZER FALTA ZAIZU IKASTEKO?

Ebaluatzeko modua.

Txokoen aukeraketa, nork aukeratzen du?

Ze irizpideri jarraituz? Umearen interesa kontuan hartzen dute?

Txokoen aurkezpenarekin bukatzeko, bakoitzak bere erantzunak komentatu genituen eta gero, Begoña eta Aingeruren artean, guztiok izandako zalantzak argitu zizkiguten. Ikasitako ezaugarriak hobeto finkatzeko azkenengo galdera bat proposatu ziguten: 

ZEINTZUK DIRA ATERA DITUZUN IDEIA EDO IKASKUNTZA NAGUSIAK?

Txokoen metodologia era ezberdinetan egin daiteke.

·     Espazioaren banaketari dagokionez, gela berdinean txoko ezberdinak egon daitezke edo gela bakoitza txoko bat izan.

·    Batzuetan, umeak izaten dira nahi duten txokora joaten direnak, bestetan, aldiz, irakasleek talde finkoak egiten dituzte eta egokitzen zaien txokora bidaltzen dituzte.

·   Irakaslearen papera laguntzailearena da, jakingura sustatu behar du, baliabide ezberdinak erabiltzera bultzatu behar ditu …

·     Irakasleak paper garrantzitsua dauka gehien bat joko sinbolikoaren arloan.

·    Ebaluatzerako orduan taldeka egoteak erraztu dezake, ikusi dezakezulako haurren batek izan ditzakeen zailtasunak edo trebetasunak.

·     Ez zaie behartzen txoko guztietatik pasatzera, bakoitzak nahi duenera …

·     Metodologia dinamikoa da.

·     Dibertsifikatzeko aukera handiak daude.

Metodologia hau oso interesgarria iruditzen zait, izan ere, txokoak erabiliz edozein gaitasun landu dezakezu; hala nola, sensorio motorea edo plastika. Gainera, umeek haien lehentasunei garrantzi gehiago emateko aukera daukate eta horrek haien interesa piztuko du. Oso dinamikoa iruditzen zait, ariketa ezberdin asko egiteko aukerak dauzkate.

Hala ere, nahiz eta kasu honetan irakaslearen papera erraza iruditu, behaketa egitea ez da batere sinplea. Alde batetik bestera (txoko ezberdinak) egon behar zara denbora guztian eta ume bakoitzak zein txokoetan egon den gogoratu, haien interesak zeintzuk diren jakiteko. Horrez gain, laguntzailearen papera ere bere konplexutasunak izan ditzake, esaterako, noraino izan behar da irakaslearen esku hartzea? Zein puntutaraino utzi behar dio umeari askatasunez jarduten? Galdera hauei erantzutea nahiko zaila,  nire iritziz oso subjektiboa da zer nolako laguntzak eskaini behar dizkiezun zehaztea. 
Bestalde, bakoitzak nahi duen txokora joateko aukera izanda, baliteke umeren batek egunero eta une oro txoko berdinean geratzea. Kasu horretan, irakasleak haurrari aldatzeko proposamena egin beharko lioke, baino umeak kasurik ez balio egiten? Nire ustetan, egoera hauek gainetik kontrolatu beharko lirateke, ezinbestekoa da umeak gaitasun ezberdinak lantzea eta txoko bakarrean geldituz gero hori ez litzateke beteko. 

Ikaskuntza honek bere zailtasunak badauzka, baina nire ustez oso interesgarria da haur hezkuntzako kasuan, umeei aukera ezberdinak ematen dizkiegulako eta horrela, etorkizun batean ariketak proposatzerako orduan, haien interesak jakinda errazagoa egingo zaigu haien arreta mantentzea. Bestetik, umeek haien autonomia garatzeko aukera bikaina izan daiteke, bere kabuz ibiltzen direlako klasetikan txoko batetik bestera. 

Laburbilduz, oso ariketa interesgarria izan zen, bai proiektuen kasuan, baita txokoenean ere. Ikaskuntza hauei buruzko informazioa ugari barneratu genuen eta izan genitzakeen zalantzak argitu genituen. Horrez gain, lan modularrerako laguntza bikaina izan da gutxienez gure kasuan, behatutakoa interpretatzeko ideia ugari eskaini dizkigute eta zein puntu izan daitezkeen esanguratsuak ikasi dugu. 

Espero dut zuen gustukoa eta lagungarria izan dadin nire hausnarketatxoa!

PROIEKTUETAN OINARRITUTAKO IKASKUNTZA

PROIEKTUETAN OINARRITUTAKO IKASKUNTZA

Gaurko klasean haur hezkuntzako bi klaseak batu gara eta Begoña eta Aingerurekin proiektuetan oinarritutako ikaskuntzaz hitz egiten aritu gara. 

Hasteko, hirunaka jarri gara eta ezer azaldu aurretik ikaskuntza honi buruzko bi galdera egin dizkigute: ZER DAKIZUE PROIEKTUETAN OINARRITUTAKO IKASKUNTZAZ? ZER FALTA ZAIZUE IKASTEKO?

Ikasleetako batzuek ikaskuntza mota hau ikusita zeukaten behatutako ikastetxean eta errazagoa egin zitzaien erantzutea. Gure kasuan, aldiz, ez zen horrela izan eta arazoak izan genituen lehenengo galderari erantzutea. Hala ere, ideia batzuk bageneuzkan eta hau izan zen gure erantzuna: 

ZER DAKIZU PROIEKTUETAN OINARRITUTAKO IKASKUNTZA?

Metodologia hau praktikotasunean oinarritzen da eta irakasleak bultzaturikoak izaten da, baina baldintzatu gabe hauen garapena. Honek laguntzailearen edo gidariaren  papera hartuko du. Arlo gehienak (matematika, musika, plastika…) izaten ditu kontuan aurrera eramateko orduan. Irekia da; beraz, beste metodologia batzuekin gauzatu daiteke

Bigarren galdera erantzuterakoan errazagoa egin zitzaigun, izan ere, aurretik ez ikusi izanak zalantza asko edukitzea egin zigun. 

ZER FALTA ZAIZU IKASTEKO?

Nola antolatu ditzakegu proiektua.
Ze motatakoak izan daitezke.
Nola aplikatu ditzakegu ikasgai ezberdinetara.
Irakasleak nolako esku hartzea izan behar du.

Gure erantzunak guztien artean komentatu eta gero, Begoñak berak bere ikastetxean bizitako esperientzaren bidez zehatzago azaldu zigun zertan oinarritzen zen ikaskuntza hau. Bi proiektu ezberdin aurkeztu zizkigun:

• 1.      Egutegiaren proiektua
• 2.     Gaien proiektua

Egutegiaren proiektua oso baliogarria da haurrek hilabete eta egunen izenak ikasteko, baita urtaroenak ere. Aurrera eramateko prozedura gaurko klasean egin dugunaren antzekoa da. 
Lehenik eta behin zer dakigu gaiaz?. Ume bakoitzak haren urtebetetze eguna apuntatzen zuen eta guztion artean oporrak edo egun garrantzitsuak jartzen zituzten. 
Bigarrenik, zer nahi dugu jakin? Hilabete bakoitzari bere izena jarriko diogu, urtaro bakoitza nondik norakoa den eta izena, eta asteko egunen izenak, besteak beste. Gainera, proiektu honen elementu deigarri bat iruditu zitzaidan integratzeko baliabide asko ematen dituela. Hala nola, Begoñak aipaturiko ereduan, klasean leku ezberdinetako umeak zeuden eta hauen kultura pixka bat integratzeko bakoitzak klasekide guztien hizkuntzetan idazten zituen hilabeteen izenak. 
Azkenik, bakoitzak bere egutegia egiten zuen eta horretarako arau batzuk jarri behar ziren; adibidez, urtebetetze egunak kolore batez, oporrak beste batez...

Gaien proiektua umeen interesetan oinarritzen zen, izan ere, haien arreta pizten zuten gaietaz baliatzen ziren. Hala ere, aurrekoaren prozedura berdina jarraitzen zen. Hasteko, zer dakizue gaiaz? eta gero, zer jakin nahi duzue?. Aurkeztutako proiektuan, futbolean oinarritzen ziren eta honen ezaugarriak erabiliz ikasgai ezberdinak lantzen zituzten. 
Hala nola, zelaiaren neurriekin edo jokalarien zenbakiekin matematika lantzen zuten ariketa ezberdinak eginez. Plastikako kasuan, ordea, talde ezberdinetako kamiseta edo sinboloa marrazten zuten, kolore eta forma ezberdinak landuz. 
Proiektu honekin bukatzeko, futbolari profesional bat etorri zen hauei informazio gehiago eskaintzeko. Betidanik lotu da futbolaria mutila izatearekin, hori dela eta, neska bat ekartzea aukeratu zuten, umeek ulertu zezaten emakume futbolariek dauzkaten zailtasunak aurrera egiteko, etab.

Klase honekin amaitzeko, orokorrean proiektuen bidezko ikaskuntzak bete behar dituen ezaugarri batzuk komentatu genituen. Hauek izan ziren gure taldeak egin zituen proposamenak:

• ·        Proposamenak ikasle, irakasle edo egoeraren araberakoak izan daitezke.
• ·        Ikaskuntza integrala da, ezaugarri ezberdinak hartzen dituelako kontuan. (egutegian hizkuntzak)
• ·        Ikaskuntza aktiboa da, ikasleen parte hartzea beharrezkoa da.
• ·        Motibatzailea da.
• ·        Arlo ezberdinak landu daitezke honen bitartez.

CURRICULUMAREN ZEHAZTAPEN MAILAK

2016/02/19
Kaixo!
Gaur curriculumarekin jarraitzeko, otsailaren 19an landu genituen curriculumaren atalak azalduko dizkizuet.
Alde batetik, definizioa daukagu, aurreko sarreran aipatu nuen moduan, curriculuma ikasten dugun hori da.
Bestetik, curriculumak 4 mailatan banatzen diren zehaztapenak dauzka, eta hobeto azaltzeko taula baten bidez egingo dut.

MAILAK Ezaugarriak	1.MAILA	2.MAILA	3.MAILA	4.MAILA
Dokumentua	OINARRIZKO CURRICULUM DISEINUA (OCD)	IKASTETXEKO PROIEKTU CURRICULARRA (IPC)	GELAKO PROGRAMAZIOA	BANAKAKO EGOKITZAPEN CURRICULARRA (CEI)
Definizioa	Zer, noiz eta nola, ikasi, irakatsi, erakutsi eta ebaluatu zehazten duen dekretua da.	Ikastetxe bakoitzaren baldintzak kontuan hartuta, Oinarrizko Curriculuma egiteko behar diren erabakiak hartu.	Hezkuntzaren ziklo bakoitzean dauden unitate didaktikoen azalpena.	Ohiko curriculumean oinarrituta, behar bereziak dituzten haurrentzako egiten diren egokitzapenak.
Izaera	Derrigorrezkoa eta normatiboa.	Orokorra eta gidatzailea.	Didaktiko antolatzailea. Planifikatzailea eta pertsonala.	Didaktiko antolatzailea.
Arduraduna Egilea	Gobernua: - Zientzia eta Hezkuntza ministerioa (MEC) -EAEko Hezkuntza sailak	Ikastetxe bakoitzeko irakasle taldea (klaustroa)	Irakasle taldea (ziklo edo maila bakoitzekoa)	Gela bakoitzeko irakasle (tutorea) eta espezialistak.
Baldintzatzaileak	Hezkuntza sistemaren legeak ( LOMCE)	Heziberri dekretua.  Oinarrizko Curriculumaren  diseinua.	Ikasgelako programazioa. Gizabanakoen ezagutza.	Ikasgelako programazioa. Bakoitzaren ezagutza.
Osagarriak	Xedeak, ikastetxearen antolamendua, ebaluazioa, metodologia, konpetentziak, helburuak eta edukiak.	Helburak, metodologia, espazio eta denboraren antolaketa, materialak eta ebaluazioa.	Helburu zehatz eta espezifikoak, planifikazioa, denboralizazioa, ebaluazioa eta material antolaketa.	Bi motatakoak daude:  -Esanguratsuak (inklusioa, denboralizazioa, birmoldaketa.) - Ez esanguratsuak: ( zikloko denboralizazioa, lehenespena eta sekuentziazioa)
Adibidea	LOMCE	http://www.hezkuntza.ejgv. euskadi.eus/contenidos/informacion /dia6/es_2027/adjuntos/97-03%20HAURHEZK.pdf	Programazio didaktikoa (Edebe)	Aniztasunaren trataerari erantzuteko plana.

Kontzeptu hauek hobeto finkatzeko, bi testu irakurri genituen.

Lehenengoa"ELCURRICULUM OCULTO VISUAL: APRENDER A OBEDECER A TRAVÉS DE LA IMAGEN" Acaso eta Neurek idatzitakoa. Testu honetan arreta gehien deitu didana izan da kontzientziatzen saiatzen gaituela umeak batzuetan inkontzienteki ikasten dutenaz.

Bigarrenean, Jaume Sarramonarenean, aldiz, azpimarratuko nuke curriculumari buruz ematen digun informazioa; esaterako, definizioa, helburuak edota aurretik aipaturiko zehaztapen mailak.

Honeraino nire gaurko sarrera, espero dut zuen gustukoa izatea!